2027 жылдан бастап зейнетақы жинақтары бойынша өтемақы тетігі өзгереді

Міндетті зейнетақы жарналарының сақталуына мемлекеттік кепілдік толық көлемде сақталады — бұл норма Әлеуметтік кодексте бекітілген және өзгермейді, — деп хабарлады Еңбек және халықты әлеуметтік қорғау министрлігі. 2027 жылдан бастап өтемақы төлемдерінің бірінің тетігі ғана өзгереді.

Сөз инвестициялық кіріс пен инфляция деңгейі арасындағы айырманы өтеу туралы болып отыр: бұл тетік зейнетақы активтерін тек мемлекет басқарып, нәтиже үшін өзі жауап берген кезде енгізілген болатын, — деп түсіндірді мекеме.

Қазір салымшы өз жинақтарының 100 %-ға дейін жеке басқарушы компанияларға сенімгерлік басқаруға бере алады — бұрын шектеу 50 %-ға дейін болатын. Компания мен стратегияны таңдай отырып, ол инвестициялық тәуекел деңгейін де өзі қабылдайды, сондықтан өтемақы тетігі қайта қаралуда.

Басқарушы компаниялар үшін қаржылық тұрақтылыққа, капиталға және тәжірибеге қойылатын талаптар белгіленген; кірістіліктің ең төменгі деңгейіне қол жеткізілмеген жағдайда компания айырманы өз қаражаты есебінен өтеуге міндетті.

Ұлттық банк зейнетақы активтерін басқаруды жалғастыруда. Оның 2024–2028 жылдарға арналған стратегиялық жоспар бойынша мақсаты — ұзақ мерзімді келешекте инфляциядан жоғары кірістілік.